文恩澄店舖被爆破財萬五
由歌手文恩澄（Rannes）經營的DOGside Cafe昨日被破窗爆竊，損失約萬五蚊現金，而留守在店中的3隻小狗則未有受傷，Rannes說：「同事開舖嘅時候發現，我知道之後即刻趕返去，因為同事都忙於落緊口供，未有時間同我講詳細情況，途中淨係驚啲狗仔有事！」
Rannes表示暫時以木板蓋着損毀的窗口繼續營業：「舖頭喺一樓，個賊喺廁所個窗爬入嚟，感覺到佢動作都幾迅速，淨係爆爛咗收銀機同另一個放錢嘅地方，其他位置都冇乜摷過（懷疑熟人所做？）吓，唔會啩！」此外，原來「目擊」事件的其中一隻小狗是另一位歌手裕美所有，Rannes說:「佢屋企裝修放咗喺度寄養，未話畀裕美知，一定擔心死佢喇！」