李克勤促中招歌迷報警
內地出現疑似演唱會售票網站向歌迷騙財，今次「左麟右李」成為不法騙徒的呃錢工具，宣稱於十月三十日在上海舉行演唱會，據知已有不少歌迷中招，克勤和阿倫（譚詠麟）揚言短期根本沒有開騷計劃，呼籲中招歌迷速報警求助。
阿倫和克勤的「左麟右李演唱會」一直長做長有大受香港及內地歌迷歡迎，正因此成為不法騙徒的賺錢財路，近日發現內地有疑似售票網預訂「左麟右李」十月底在上海個唱，更列出時間、地點、日期及六種門票價錢，最貴門票為1280元人民幣，做到「真嘅一樣」令歌迷不虞有詐。
重申短期不開騷
「左麟右李」在上海開騷根本沒有其事，昨日克勤在微博亦留言重申，表示幾天前在上海有歌迷問他是否來上海開騷，因一直有單位在售票。他強調：「未來數月我們並沒有在任何地方有「左麟右李」演唱會，因此絕對沒有上海十月這一場，各位歌迷請小心，不要被騙。」而阿倫同樣在微博留言希望歌迷不要受騙。」之後，亦發現有歌迷留言表示已中招，大呼：「死得，我仲喺網上預訂咗門票，點算呀？」
昨日再聯絡克勤了解，他謂：「最先係早幾日聽到歌迷咁講，睇埋個網就覺得好離譜，賣到成千幾蚊張飛！其實早喺六月時計劃喺上海周邊地方開騷，但因為世博而決定取消，加上阿倫七月喺香港開騷，所以當時已決定短期唔會開「左麟右李」，但之後仍然不停聽到話佢哋會喺上海開騷嘅消息，阿倫亦否認過一次，依家惟有交畀經理人處理，亦會喺微博留言可能畀多啲內地人知道。」
事件交律師調查
克勤稱都看到歌迷留言說中招：「我都唔知點算，唔通我搵個爛地唱咩，惟有叫歌迷報警處理。」至於藝能方面表示從來沒接洽過為「左麟右李」在上海開騷，之前亦發生過同類事件有假票站出現，當然經律師處理而平息，相信今次事件會再交律師調查來解決。
文：音樂組