Kelly爆蝦餃仔重到踩界

幸福媽媽Kelly昨日現身「童度中秋」活動，與數十名來自綜援及低收入家庭的小朋友玩遊戲、派月餅，氹得小朋友們非常開心！Kelly透露將與家人食飯慶中秋，問她有否買燈籠畀蝦餃仔？她笑言自己是個環保分子：「用番上年嗰啲燈籠得啦，因為佢公公上年買咗好多畀佢，有佢最鍾意嘅車車同飛機。」她指蝦餃仔經常發出怪聲：「好似成日有怪獸叫咁，不過佢尖叫即係代表好興奮，我哋成日玩遊戲，最鍾意玩伏匿匿。」

拒過二人世界

Kelly透露與老公Alex經常爭住抱蝦餃仔：「佢黐我多啲，不過我抱得多好攰，最多都係抱十分鐘，廿五磅重到爆呀！（過重？）我問過醫生話未，不過都踩界架啦，所以我自己整咗個營養餐單畀佢！」

Kelly的營養餐包括肉醬意粉、蒸水蛋、蒸魚及南瓜等：「每日仲有兩款水果，唔可以食甜嘢、炸嘢同埋唔可以飲果汁，要飲就要飲新鮮榨！」問她會否與老公提早慶中秋過二人世界？Kelly大晒恩愛笑謂：「好耐冇啦！不過唔使特登要二人世界，已經好sweet，唔使營造呢啲氣氛！」

Kelly昨日大派月餅予數十名小朋友。

Kelly有仔萬事足，經常把兒子放在口邊。（資料圖片）

有此一着

陳慧琳昨日穿上國際品牌Dries Van Noten的恤衫及軍綠色短裙出席中秋探訪活動，黑色恤衫配上花朵圖案，正好配合中秋節的主題，加上今年秋冬大熱的軍人造型，凸顯她剛中帶柔的個性，型格潮魅兼備。

文：音樂組