袁詠儀39歲牛一 美女P賀壽

袁詠儀前晚與伍詠薇、陳敏之、姚樂怡、關寶慧、湯盈盈、王君馨等一班好姊妹一齊慶祝39歲生日，晚上七時半，靚靚和老公張智霖（Chilam）由司機接載抵達深灣遊艇會，對於在場記者的祝福，心情大好的靚靚連聲多謝，問到生日願望是否要追多個BB？她笑說：「盡量啦！盡量啦！最緊要身體健康。」據知一向鍾意玩驚喜的Chilam送了一個名牌手袋給靚靚，關寶慧則透露送了一件睡衣，而最早到場的伍詠薇則說：「一早叫人安排咗啲花布置會場。」

轉場唱K狂歡

昨日靚靚更將生日場內的開心相片公諸同好，大合照上發現，到場人士除了老公Chilam外，清一色全女班，靚靚留言說：「我的美女party開始啦！」一班好友送上一個五、六磅重的棉花糖蛋糕，上面寫着：「Happy Birthday to Anita.」眾人不停影合照，之後還轉場到卡拉OK，K房內還布置了氣球和巨型生日字牌，在場內吃喝狂歡盡興而歸。

張智霖	姚樂怡（左）與關寶慧齊來祝賀好友。

好友留言祝福

而微博上，靚靚亦收到不少人留言祝福，當中包括譚詠麟、Chilam的好兄弟郭富城、熊黛林等，城城留言說：「祝張太阿靚生日快樂！食得開心！玩得高興！」熊黛林說：「祝愈來愈靚！明年生多一個！」而陳敏之則留言：「隊長，生日快樂。」對於大家的祝賀，靚靚留言說：「希望我身邊的親友及朋友身體健康，國泰民安！」

文：專案組　攝：追蹤組