張曼玉不求再婚 想養B
專程為短片《Better Life》赴水都造勢的張曼玉（Maggie），前日接受媒體專訪時鮮有談及感情生活，Maggie直言追求安穩生活，只要每日起床看見喜歡的人、吃喜歡的食物、看喜歡的東西足以令她滿足，即使再多的衣服、電影及榮譽，也只能帶來有趣及精彩！
Maggie與男友感情穩定，她並主動提及近期的分手、結婚及懷孕等傳聞，澄清身邊只有一位男友而已！問她完美人生是否要結婚及建立家庭？她說：「家庭對我來說很重要，但亦非要簽下婚書才成，其實係身邊人畀到信心，相處感覺好多過要結婚，我已結過一次婚，當時簽完之後都問自己點解要簽，有啲驚添！因為咁對於一個鍾意自由嘅人嚟講，心理上好似局限咗啲嘢咁。」她向來喜歡小朋友，現階段未想過生育問題，身邊很多朋友有小朋友，可以畀她玩同湊：「所以我唔想miss生小朋友，計劃一直delay，到依家又未必想去做，反而好想去領養。最近我有幫助兒童慈善團體做嘢，雖然唔可以一次過幫十個，咁一個都好啦，不過未有實質計劃。」