羅仲謙不敢評價兩代「愛」將
《婚》片男主角羅仲謙，對導演新「愛」將周秀娜更是有讚無彈，他說：「我覺得Chrissie係一個好勤力嘅演員，對工作人員又好好。（演技點呀？）佢拍電影仲多過我，我冇資格講喎！（覺得Chrissie同鄧麗欣邊個好啲？）呢啲問導演啦！不過，我都有睇過鄧麗欣嘅《獨家試愛》，覺得套戲好好睇，好貼近現實。」
羅仲謙在戲中周旋於兩位好身材之人Chrissie與Carol之間，有咀戲又有床戲。問羅仲謙會否擔心拍親熱戲時，不小心碰到兩位靚女的重要部位？羅仲謙表示：「冇諗咁多，我拍戲有啲經驗，唔會有呢啲意外嘅。」
對於Carol第一次拍電影，羅仲謙笑言導演葉念琛都有叫他幫手睇住對方，羅仲謙覺得Carol起初略緊張，但慢慢便適應，表現不俗。