有「翻版徐子淇」之稱嘅模特兒傅嘉莉（Kelly）最近踩入影壇，參演彭氏兄弟嘅電影《索命童話》，不過去泰國取景期間就好事多磨，Kelly除咗對眼受細菌感染外，仲遇到唔少怪事：「起初幾日住酒店，我完全瞓唔到，聞到有臭味，仲感覺到有啲嘢！我惟有同佢講：『我住一個月o架咋！唔好搞我。』之後先瞓到，不過我成個月都唔夠膽熄燈瞓！」