袁詠儀黐實君如跟住生
袁詠儀及楊崢昨日出席活動，袁詠儀透露昨日正是其生日，並已約了圈中好友伍詠薇、陳敏之及黃佩霞等吃飯慶祝，之後才跟老公張智霖撐枱腳，生日願望是香港少點天災人禍，父母長輩身體健康。靚靚更言張智霖冇送禮物，她說：「大時大節好少送，平時失驚無神先送，囝囝都冇表示，因為佢只記得自己生日，但尋晚都有同佢食飯。」
至於會否想生多個小朋友，靚靚直言一直都有計劃，順其自然，不過老公沒空，如要生育則要跟老公夾時間。問到會否跟吳君如鬥快？靚靚說：「睇報紙話佢好似得咗，佢成日話唔係，但我梗係唔信。兩星期前佢先話有個好勁嘅生仔秘方介紹畀我，我問係咪得，佢話未得住，睇佢咁講應該得咗，唔知真定假，希望快啲有。之前佢有個女，跟住到我有，我都想叨吓佢光。」
