超盈爆妹妹留學撻Q
何超盈前晚以全黑型女打扮出席Moiselle時裝表演，她透露由好友Moiselle設計總監陳柏熹設計。對於超蓮暗示與男友分手，她謂：「我都唔知佢有微博！同佢男友唔熟，我淨係知道佢哋之前發生少少拗撬，應該唔係分手嘅。」
超盈表示日前剛開學，十分期待香港大學的校園生活。問到妹妹何超欣是否已到英國升學？她說：「唔係啦！佢依家冇得去啦！佢之前畀人影到同個男仔出街，爸爸睇到好嬲，唔畀佢去。」她又無奈地說：「你哋影到佢同女仔就唔會登，但影到男仔就登！（不過你以前同女仔出街嘅相都有畀人登喎！）好耐之前嘅事啦！」
記者發現超盈眼角下多了粒癦，她解釋：「係我自己畫o架！其實我好迷信，睇咗相話我條命多水，但唔知缺乜。總之多粒癦順利咗好多，近排自己都少咗唔好嘅新聞！」