三太：有冇男友唔緊要
何鴻燊三太陳婉珍昨晚偕超雲、超蓮見記者，對於兩個女兒未有攜同男友出席，三太說：「唔想帶咪唔帶，咁細個有冇男友唔緊要，讀書先，唔介意佢哋拍拖。」問到兩女可有向她哭訴？三太說：「冇喊，佢哋好開心，我會用朋友身份同佢哋傾偈。」再問會否教兩女處理感情問題？超雲搶答：「阿媽淨係得阿爸一個初戀，唔識教我哋，我哋教番佢轉頭。」中秋將至，三太透露會跟賭王賞月吃月餅：「佢身體狀況OK，我哋不時出街食飯，佢每日做啲唔同練習。」
有傳超雲與林峯傳緋聞，超蓮幫姐姐解圍：「佢哋唔係拍拖，可能係想宣傳套劇。」超雲亦強調與林峯並非朋友：「連識都唔識，只係我公司想喺佢套劇宣傳個logo。嗰晚好多人，淨係影我同佢，私底下我哋冇聯絡。（甩拖後係咪多咗狂蜂浪蝶？）唔會，暫未搵到啱心水。」