超蓮認單身搵女訴苦忟爆遊街

向來被形容為「索爆」千金的賭王與三太陳婉珍細女何超蓮，跟男友Jeremy拍拖九個月，甜蜜程度有如連體嬰，經常被傳媒撞見在銅鑼灣鬧市大晒恩愛，但近期有指二人感情出現問題。

為情所困 明顯消瘦

平日見少一日亦不自在的超蓮，竟在男友放暑假返港期間，上月獨自往北京遊學，回來後亦沒有即時與Jeremy見面。數日前她更在微博暗示分手，寫下：「so, I'm now single」自稱現時心情真的好痛，眼淚不停的流。

前日本報記者在中環街頭遇見超蓮，未知是否為情所困，穿上背心與短褲的她明顯消瘦不少，同行不見Jeremy，反而是連日來不停在微博上載合照的同性好友Mui Mui。只見超蓮邊行邊不停向Mui Mui傾訴，當提到Jeremy時，更忍不住臉露激氣神色。當超蓮發現記者拍照時即說：「冇化妝呀！唔好影喇！」然後火速跳上的士離開。

就分手一事記者聯絡到Jeremy，他在電話中雖然表示與超蓮關係未變，但沒有提及與女友甜蜜事情，似乎二人還在冷戰中，男方正在忙於箍煲。他說：「我同超蓮關係冇變過，同以前一樣。（點解超蓮話自己單身？）我都唔係好知，問番佢。九月中我會返澳洲讀書。（超蓮捨唔捨得？）問番佢嗰邊，唔可以講咁多嘢。（有報道話你花心！）總之我唔可以講咁多嘢。（有冇探賭王？）唔方便講。」

力撐專一 否認甩拖

另外，超蓮昨晚偕姐姐超雲與母親三太出席東華慈善晚宴，甫到場已被傳媒包圍追問分手，她不斷地迴避問題，只說：「唔知，我唔知依家咩狀況。」但當問到是否與Jeremy很久沒見時，她又說前天才見過面。有指Jeremy花心累事，她連忙開口澄清：「佢唔係花心，佢對我好好。（係咪對個個女仔都咁好？）咁又唔係。（咁你又喺微博話自己單身？）嗰條係問題嚟，後面有個問號。」觀乎她的表現似乎與Jeremy感情在拉鋸中。直至有人問三太兩個女兒都甩拖，在旁的超蓮突然搶道：「我冇甩拖。」可見她對Jeremy未死心。

文：追蹤組