藝人興爆還擊
林依麗一番不禮貌言論，辣慶不少圈中人，群起對她作出還擊。
楊千嬅：係！我係超齡歌星仔，咁又點吖！支持祖兒！
袁彌明：雖然林依麗有言論自由，但唔明佢出發點，「歌星仔」好貶意，容祖兒係天后，畀人叫做「歌星仔」有冇搞錯，咁講好冇禮貌，點解睇小人，佢連議員都唔係，可以叫佢××仔。
周子揚：佢應該尊重番歌手囉，唔應該干涉人哋嘅言論。
張敬軒：EQ低的人千萬不要從政，要不然連IQ都無埋！
杜汶澤：冇需要咁侮辱人，佢咁講係冇邏輯、冇腦，充分反映佢野蠻，簡直係小丑行為，只有三個字形容：法西斯。
周柏豪咁我咪係「流星仔」？一瞬即逝。
鄭希怡：我支持祖兒，唔可以因為一小撮人而仇視菲傭，之前我同霆鋒去山東拍戲，大家都着晒黑衫，尋日霆鋒生日都冇慶祝。
陳少琪：菲律賓人喺香港係做傭人，唔係奴隸，咁嘅言論，依麗判處無知罪名成立。
藍奕邦：呢位阿姐擺到明好想出名咁喎！咁我就成全佢，轉發，祝你早日人見人憎！
