張舒雅戒煙戒蒲積極做模

被指為「最Hea港姐」的張舒雅昨日正式復工，和名模諸葛梓岐及有「翻版林志玲」之稱的名模林莉，到澳門出席「澳門馬主協會賽事日」。張舒雅在王友良陪同下接受訪問，並有髮型師貼身在旁整理髮型，排場十足。

無綫工作唔啱做

現向模界發展的張舒雅，笑言不習慣做訪問，當被問到hea了多久？是否已經hea完時，她只是一臉傻笑，表示會向「anywhere」發展。張舒雅更解釋當年得獎後，並非不想工作。張舒雅說：「只係無綫冇適合工作畀我，我有email畀外事部，我唔係heao架，可能我表達能力差。」她續說跟無綫還有三年合約，但不會影響她自己接工作，並再三強調自己不是hea，更說介意「最Hea港姐」稱號。

諸葛否認是非者

張舒雅自言向模界發展是自己的意願，故會積極工作，至於有否繼續夜蒲吸煙？她說：「冇啦，依家年紀大，細路仔先做，依家大個知道身體健康重要，唔食囉！」張舒雅續說之前冇工作，但一直有進修，並否認和補習天王男友趙永康分手。對於今屆港姐被指為豬扒港姐，張舒雅聞言即笑說：「唔係（豬扒）！佢哋好靚！」她表示慧妍雅集沒有找她，但平時自己也會做慈善工作。

另外，同場的諸葛梓岐對於被傳是Angelababy所指的是非者，她說：「我有即刻打畀Baby問咩事，Baby仲話：『黐線！點會係講你！』我同佢係好朋友。」

採訪：名人組