亞姐見風轉舵唔侵菲律賓玩

《2010年亞洲小姐競選》將於十一月底在香港舉行，今屆將恢復07年度舊制，容許國際賽區華裔佳麗參賽。鑑於早前菲律賓發生冷血槍手屠殺港人事件，據知亞姐主辦單位日前開會，決定不邀請菲律賓佳麗參加今屆亞姐比賽，以免進一步深化香港與菲律賓之間的芥蒂。亞姐大會負責人葉家寶更提及，賽會擔心菲律賓佳麗來港，可能會受到排斥，構成心理壓力，影響比賽心情，故經開會商議後決定，今屆亞姐將不會邀請菲律賓代表參賽，而多出之候選名額如何處理，則暫時未有定案。

應予菲姐決定

亞視公關部發言人區展程在電話中向本報證實為此：「為免菲律賓佳麗來港後覺得難堪，所以唔會邀請佢哋來港參賽。（有濫權之嫌？）香港人對慘劇仍歷歷在目，避免香港人難堪，呢個做法唔算濫權。（歧視菲律賓？）冇歧視，大前提係顧及佳麗感受，唔想佢心理受傷害。」

本身為執業律師的立法會旅遊界代表謝偉俊，卻質疑亞視做法，他說：「雖然暫時冇法例規定選美唔畀邊啲人參加，但亞視呢個做法好過分，影響香港喺亞洲及國際形象，令人覺得香港人好小器，係參加定係避席，應該留番畀菲律賓代表自行決定。」

放大圖片	謝偉俊（後左）早前陪伴枉死的康泰領隊謝廷駿的父母到馬尼拉拜祭亡兒。

無綫照搞華姐

而無綫外事部副總監曾醒明則指《國際中華小姐》不會對菲律賓佳麗作特別處理，他說：「賽事會喺十一月於天津舉行，今年一如以往會安排國際地區嘅華裔佳麗參賽，而馬尼拉代表係華裔小姐，所以唔擔心參賽會有問題。香港觀眾係理性嘅，唔會將對菲警嘅不滿投射到菲律賓佳麗身上，何況個佳麗係有華裔血統。」

文：影視組