千嬅嫌煩拒播婚宴換獎

千嬅昨日身穿Alexander Wang設計的衫、裙及Giuseppe Zanotti四吋高跟鞋，擔任環保「友」道企業大賞2010頒獎典禮的頒獎嘉賓。問到有指她拍攝音樂特輯《我在東京很快樂》，甘願每日只睡三小時兼抵受42度高溫，全為了年底頒獎禮博攞獎，千嬅否認拍特輯是另有意圖：「個特輯係宣傳唱片，我都好耐冇拍特輯，拍劇都冇獎啦，所以唔關事，我都幾十歲人，唔理呢啲架啦，依家最重要係身子、嗓子。」

長輩唔慣出鏡

至於婚宴的獨家直播權也給無綫，千嬅直指沒可能，還反問：「有邊個會咁做，（當年萬梓良。）咁呢啲前輩，唔係人人都咁做。」她自嘲「人又粗魯」、「聲又大」，加上邀請了不少不愛出鏡的長輩及朋友，如果再要兼顧電視直播實在太麻煩。

丁子高夜歸人

千嬅表示雖然婚宴期逼近，但要忙新戲宣傳、推出國語碟及巡迴走埠，沒有時間分身籌備，更可能連度蜜月也沒有檔期，故她笑言要請老公做工作夥伴才可過二人世界，不過她補充純粹講笑。千嬅又說因雙方屬「大家族」，笑言要自備氣墊咕臣，以便她跪地斟茶防腳痛。她又稱媽媽已送了一箱金牌及金條作為嫁妝，現放在保險箱中。

另外，昨凌晨1時45分，見千嬅老公丁子高獨自步出蘭桂坊的Volar，他見記者拍照即主動打招呼，並交代行蹤說：「做完嘢，依家返屋企。」

採訪：音樂組