劉欣宜爆Mia女大十八變

劉欣宜（E Cup Baby）近排為咗宣傳佢嘅新碟同寫真集，除咗經常大晒佢嘅「震撼」身材外，仲成日語出驚人博上頭條。早前同佢傾開時下啲o靚模，E Cup Baby就話其實model圈子好窄，所以佢一早就識好多o靚模。好似新八模成員有「潮媽」之稱嘅Mia（陳靜儀），E Cup Baby話喺讀書時已認識對方，佢話：「因為當年我係叫Mia，但佢唔係，之後佢先用Mia呢個名。」E Cup Baby仲踢爆Mia讀書時個樣同依家好唔同，問佢係咪暗示有人整容呀？E Cup Baby只笑而不答。