祖兒7奪勁歌后破紀錄

容祖兒、古巨基、林峯、鍾舒漫、泳兒、衞蘭、江若琳及傳穎等歌手昨晚出席佛山舉行的《第七屆勁歌王金曲金榜全球華人樂壇總選音樂盛典》頒獎禮，祖兒與基仔齊封「勁歌后」及「勁歌王」，祖兒打破大會有史以來紀錄成為「勁歌后」七連霸。因工作在身未能出席的Twins亦奪得「最愛組合大獎」，鍾欣桐個人名義勇奪「飛躍歌手」，好姊妹蔡卓妍個人獲得「金曲獎（國語）」及「年度最佳專輯」，英皇狂擸22個獎成大贏家。

望明年再下一城

祖兒表示感激大會支持，她說：「成為七連霸係開心，所以幾忙都上嚟攞呢個獎，希望年年都有得玩。（有信心成為八連霸？）努力啦，做好自己就得。（同基仔一齊攞歌王歌后？）非常開心，冇諗到，多謝大會喺我出碟時送份禮物畀我。」而「勁歌王」基仔在微博留言表示前晚拍攝喊戲搞到眼腫腫，他說：「所以帶着哭腫的眼睛上台領獎。」

江若琳獲「人氣歌手（港台）」及「K歌金曲」，即場表演。

基仔亦唔執輸冧莊勁歌王。

傅穎驅蚊變失聲

以Deep V打歌服的傅穎透露被驅蚊劑搞到失聲，對於有傳師姐林嘉欣退出娛圈？她說：「公司發咗聲明，相信佢唔會，知佢好鍾意拍戲，都聽過佢想讀書。」而奪得「人氣歌手（港台）」及「K歌金曲」的江若琳透露下月將拍攝中央台電視劇飾演經理人，為配合角色近日在家中練穿高踭鞋行路，問有否仆倒？她自爆說：「試過行街鞋踭卡喺水渠蓋度，真係好瘀。」她又透露前晚險些失去銀包。奪得三獎的衞蘭坦言打了強心針，她說：「攞到『最暢銷唱片大獎』係好大鼓勵。」