高海寧鑽研風水谷桃花

高海寧昨日與丁子高出席香港電腦通訊節的活動，她穿上由時裝設計師陳刀設計的橙色長裙出場，台上陳刀從高海寧背後一拉，即令裙子由長裙變成有層次的短裙，以宣傳3D手提電腦。

風水學興趣大增

原本身材已甚有「3D效果」的高海寧卻收起咪咪，只露出長腿，令人失望。而當裙子變短的一剎那，高海寧臉露驚訝神色，事後她說：「嗰陣feel到涼浸浸，其實出場之前已試過，確保唔會走光，但本能反應始終會有啲驚啫！」

提到最近的工作，高海寧表示要錄影《民峰學院2》，令她對風水學的興趣大增，問到是否已有功力與男性夾八字？她說：「未得！淨係識check自己咋！我屋企都有擺風水陣催旺事業同財運，都真係work呀！」

時裝設計師陳刀從高海寧背後一拉，即令裙子由長裙變成有層次的短裙。

陳刀、高海寧及丁子高齊齊出席香港電腦通訊節活動。

廿幾歲拍拖正常

問到單身的高海寧有否為自己催谷桃花，她沾沾自喜說：「有擺杯水喺西方，都有效！（搵到男友？）唔係！係觀眾緣好咗。（恨姻緣？）隨緣啦！就算廿幾歲拍拖都好正常。」此外，她又透露最近忙於錄影一個醫學節目，解釋各種疾病的成因，因其婆婆有冠心病，細佬有鼻敏感，故分外留意內容。

文：影視組