關詠荷重健康做人辦

近年以家庭為重的Esther，有女萬事足，特別注重家居生活，尤其注重健康：「以前拍戲食無定時，大飽大餓，將健康放埋一邊，只求喺食物中得到足夠能量開工，或者因為要減肥而唔食嘢，有時遇到鍾意食嘅嘢好似海鮮咁就會狂食。我食大閘蟹最誇張，試過一餐食十幾隻，老公都忍唔住出聲叫我節制下。」

耐性十足

不過，為人父母後，事事以小朋友行先，Esther笑言：「人愈大就愈唔到自己話事，因為做咗人媽咪，往後有漫長路要走，依家最緊要健康，放棄唔食咁多海鮮，大閘蟹就只可以減少啲量，否則做人有乜意義！」

為了女兒Brittany，Esther更要身教及付出耐性：「細路仔嘅飲食習慣係跟大人走，畀佢慢慢試就唔會抗拒，好似佢試過食魚骾骨，唔肯再食魚，惟有將啲魚轉款式畀佢試，慢慢佢又食番。」

關詠荷做媽咪後，發覺要有健康才可走漫長人生路。

到超市選購食物，關詠荷都睇清睇楚成分才買。

培養獨立

Esther近年做了全職媽咪，發覺女兒太黐身，開始擔心會太過依賴，所以拍罷《五味人生》後說過暫停拍劇的她，可能又改變想法：「平時我出街佢自己喺屋企又幾乖，我唔想佢變成『港孩』，所以考慮每年畀啲時間佢獨立。」

文：影視組