馮曦妤放膽襯衫晒腰
剛完成迷你音樂會的馮曦妤（Fiona），除了首次唱快歌外，她還有另外的新挑戰：「迷你音樂會有好多自己嘅第一次，好似着咁女仔嘅連身裙對我都係破天荒嘗試，好彩同事畀信心我，而且出到嚟fans都話好，我先無咁驚。」
向來男仔頭打扮的Fiona都係以鬆身衫示人，因為她自嘲有Baby Fat，她笑說：「之前好驚着貼身嘅女仔衫會有『Bye Bye肉』同肚腩仔，所以一路都着大大件Tee遮掩身形。」但音樂會後，身邊人都大讚她着裙好睇，令她對襯衫充滿興趣，還笑指自己條腰終於可以重見天日：「最近突然間好鍾意行街睇衫，而且特別偏愛長身裙同修身嘅褲，原來有啲剪裁嘅衫都可以隱惡揚善，依家着衫終於可以有番條腰。」
文、攝：專案組 服飾：Retrostone（銅鑼灣）