黃德斌掘金懶理走音
無綫藝員黃德斌最近忙於拍攝劇集《女拳》，與劉璇及姜大衞有對手戲。德斌表示雖然近日拍外景時天氣炎熱，幸仍未中暑，他透露與姜大衞會有對打戲份，問到會否感到壓力？他笑稱：「大家都係攞真功夫出嚟。（學拳？）學少少啦，我都好耐冇拍功夫片。」
德斌又透露下月初飛加拿大登台，問到要否開金口獻唱，他說：「梗要啦，但仲未揀歌，我好少唱歌架。（怕走音？）唔理得咁多，記到歌詞已經好叻。」德斌向以「巨胸猛男」見稱，問到有否留意近日新進「巨胸男」羅仲謙，他說：「我知佢係邊個。（有得揮？）好多人個胸都大過我，其實肯鍛煉就一定練到。」
場地：gi+
服裝：GUESS