洪杰當羽翹兄弟撻唔着

英皇歌手洪杰日前舉行歌迷聚會，慶祝他本月18日27歲生日，他請來陳家樂、鄭家維，好友羽翹及組合A-Day等撐場，百多歌迷更贈興，送上寫滿圈中好友祝福語的紀念冊作生日禮物，不過洪杰卻笑指紀念冊似聖經。吹蠟燭後，他許願說：「希望大家身體健康，最近公司好多同事都病咗，影響工作，令我明白要有好嘅身體，事業才可再創高峰。」
洪杰與羽翹感情要好，但揚言絕不會戀上對方。
洪杰與羽翹感情要好，但揚言絕不會戀上對方。

羽翹以短裙仔到賀，問洪杰和羽翹可擔心因感情好而傳緋聞？洪杰表示：「絕對唔會，我同佢係兄弟，係冇可能。」對於羽翹說要送歌給他作為生日禮物，他連聲多謝。而羽翹亦表示不會戀上洪杰：「因為我同佢都睇過大家最醜嘅一面，（係咪嫌洪杰唔夠靚仔？）唔係，我鍾意有才華嘅男仔，咁洪杰都唱得，有才華，但唔啱feel囉。」

一班好友傍住壽星仔洪杰許願。
  • 一班好友傍住壽星仔洪杰許願。