黃燕婷模界初哥恨行天橋

年紀輕輕的黃燕婷（DaDa）以青春形象踩入模特兒界，早前接拍「果汁先生」廣告為人熟悉，DaDa對拍廣告充滿興趣，她說︰「拍廣告學到好多嘢，知道點去表現自己，又可試唔同產品，希望可以喺呢方面發展。」

身材不算高挑的DaDa還希望能踏上天橋，她說︰「我想好似樂基兒咁紅，多啲人識我，我唔怕同人比較，但暫時都唔行性感。」此外，她表示廣告出街後得到朋友的留言支持，雖然曾有負面評價令她感到不開心，但DaDa會樂觀面對，她表示︰「我會研究有咩問題出現，諗點先可以做得更好！」