伍允龍爆Lucas似老竇咁好打
伍允龍（Philip）早前遠赴西班牙及德國為港台拍攝《功夫傳奇》，Philip笑言此行除了認識了很多志同道合的武術界朋友外，更治好了長達八年的腰部舊患：「我喺西班牙認識咗個好厲害同好nice嘅黃師傅，佢一知道我背脊不嬲有舊患之後，就即刻幫我放晒啲瘀血出嚟，之後我成個人鬆晒之餘，仲唔使點樣用力都拗直到條腰，我真係對個師傅心服口服。」
另早前還忙於拍攝電影《財神客棧》的Philip，笑指謝霆鋒兒子與父親一樣十分好打：「霆鋒真係好錫兩個囝囝，一講起佢哋就笑晒。佢又成日畀video同好多相我睇，喺其中一個video入面，我見到Lucas當啲氣球好似沙包咁打，好有老竇嘅影子。」