Rika犧牲形象扮醜娛賓

雖然是靚女一名，但Rika絕不介意扮醜娛樂大眾，因為能令身邊的人快樂，就是她最愉快的事，她說：「見到朋友唔開心，我會扮鬼臉氹佢開心，又試過扮盧廣仲娛賓，我唔介意核突o架！」而在加拿大長大的她娛樂不算多，跟大部分華僑一樣，最愛安守家中與屋企人看無綫電視劇：「我細細個就鍾意睇劇，係撈電視汁送飯嘅人！」當中她最愛《烈火雄心》首兩輯，至愛是扮演消防員甚為帥氣的王喜：「我覺得佢搞笑又得、正經又得，做劇好好。」

最介意被欺騙

胸無城府的Rika天生不記仇，即使是遇到不如意的事，睡醒覺便忘記了，硬是要講一件憤怒事情，她扁扁嘴，想了良久也說不出來，她說：「要我講開心嘢就大把，如果記仇，自己咪仲唔開心！不過，我好介意人呃我，欺騙過一次之後就好難再相信呢個人。」

放大圖片	放大圖片	希望闖影圈的Rika不介意扮醜扮弱智，最重要有得發揮。

叔叔離世傷心

可能是上天的眷顧，Rika沒有經歷過太震撼的慘事，而她最不能放低的是一位感情要好的叔叔離世：「舊年呢位Uncle過咗身，我好唔開心，喊咗好耐！我哋雖然冇血緣關係，但佢一路睇住我大，感情好好！」她又回想與叔叔的一段往事：「當年我14歲，喺屋企玩跑步機時跌親，叔叔唔救我仲笑我個頭大！不過之後佢都有呵番我。」

採訪：立影

攝影：黎志輝

場地：Billy Chan Dance Concepts