朱紫嬈初上京讚鳥巢好勁
樂壇實力派女新人朱紫嬈（Khloe）於六月推出新碟，在香港忙完一連串密集式宣傳後，日前又起程往北京、杭州、天津、成都及長沙等地，再展開另一輪大陸宣傳工作。首次踏足北京的她，雖然被安排乘搭最早一班航機，但愛旅遊的她寧犧牲休息時間，到鳥巢、故宮等地拍照留念，眼見設計獨特的鳥巢，她大讚：「大陸建築師嘅設計真係好勁，可惜時間太趕，冇時間入內參觀。」之後又去試坐龍椅，感受當帝王的滋味。
另外，愛吃的Khloe當然不會錯過品嘗地道美食的機會，除試食串燒外，看見街邊小檔一支支色彩艷麗的冰糖葫蘆時，即如小孩子般嚷着要試食，她大讚：「雖然唔知啲冰糖葫蘆整咗幾耐，但真係好好食，唔怪得成條街都擺賣冰糖葫蘆啦。」
