林莉人事變動速學獨立

林莉昨日於香港傳藝中心，為校花校草選舉擔任導師，即場教行catwalk與儀態，問她曾否參選校花？她笑言選港姐是人生首個選美賽事。她又自爆為發展內地市場而聘請教師惡補國語：「我依家多去內地同澳門工作，希望講得唔難聽，而且我想學北京腔調嘅國語。」記者笑她找個國語人做男友，她十分認同：「都好，有冇好介紹？我暫時就未有對象！」

至於有指她與男友分手後被關水喉？她處之泰然地笑言不會被不實報道影響心情：「我性格好樂觀，好阿Q精神，啲相都影得我幾靚！未開始過點分手，佢係投資者，畀錢注資公司，又話我同舊男友復合，根本冇咁嘅事！總之依家公司人事變動，人手短缺外，仲會請新人，到時我就係師姐，呢段期間我會學識獨立。」