陳靜尊重港男唔敢亂摸
「百果園咪神」陳靜（DaDa）憑着人氣，獲邀擔任周六舉行的香港先生競選擔任評判之一，對於大會要求各評判眼看手勿動大表贊同，自言除了男朋友，絕對不會掂其他異性動物。
昨晚DaDa率領師妹「翻版大S」Liz和o靚模Ivy到時裝店My Seasons搜羅性感戰衣，原來三女也同時將擔任港男評判，DaDa專攻低胸晚裝，誓要以最靚姿態見人，對於今屆港男因投訴太多，致評判均眼看手勿動，不會觸摸到港男，DaDa笑言從沒有想過要掂港男，她覺得要尊重每一個人，認為未必每個人也接受被人任摸，她說：「我冇諗過要掂佢哋，淨係會掂男朋友，不過第一次做評判好期待。」
支持男友參選
傳與前男友Square 成員Gary翻撻的DaDa，被問到如男友要參選港男會否批准？她否認復合，並表示目前冇男友：「若果男友去參選會尊重佢個人意願，相信我前男友都唔敢去，因為身形冇港男咁好，如果佢真係好想去參選都會支持佢去。（選港男好似選男友咁？）唔會，港男只係當日嘅表現，男友就一定要內外兼備。」
怕大隻兼搽油
她心目中的港男並非一定要肌肉型，她說太大隻會嚇怕她，又講笑說怕他們身上搽太多油，自言最喜歡官仔骨骨斯文型，並睇好翟威廉和白健恩。而Liz和Ivy亦講笑會帶定口水肩去，因擔心自己會興奮得流口水而弄濕裙子，同聲說：「好期待3D泳裝環節，我哋去現場好似睇4D咁。」
文：名人組