阿樂Fit爆三分波開齋
曾是港青籃球選手的余文樂，前晚出席旺角舉行的籃球比賽，吸引兩百多球迷及歌迷為他吶喊打氣，狀態大勇的阿樂一枝獨秀先射入三分球為球隊「開齋」，搏到盡的他又剷籃、又搶籃板，期間一度興起跳高「掹框」，難怪場內尖叫及歡呼聲不斷。
犯規吹罰咬衫
阿樂早前與十多位籃球好友及好兄弟周柏豪組成「橫洲工業」球隊，柏豪因有工作在身未能出席，前晚阿樂穿上6號幸運號碼球衣現身球場，惹來不少女球迷影相，就連球證都忍不住說：「冇試過有場波咁多人睇。」球場上的阿樂發揮超水準，開波不夠半分鐘成功射入首球三分波，期間因攔截對方球員兩度犯規被吹罰，阿樂即苦笑舉手及「咬衫」，三十分鐘球賽阿樂成功為球隊取得十多分，球隊以38比19輕易揮低對方。
逾百歌迷包圍
賽後的阿樂準備到更衣室換衫，引來百多名女歌迷圍住要求合照及簽名，場面混亂，最終要由助手開路，阿樂坦言已有八年沒有參加比賽，他說：「今日好開心可以嚟比賽，平日有時間都會出席練波。（被吹犯規？）搶波係避無可避，之後我都打得好謹慎。」阿樂透過微博向歌迷道歉，表示前晚未能與他們合照。
採訪：音樂組