Bobby大宇玩殘「許隊長」
如果說黃偉森導演出身電影世家一點也不誇張，他的父親黃捷是電影攝影師，打從五十年代開始至九十年代，拍過逾一百部電影；兄長黃岳泰為國際級電影攝影師，作品獲獎無數；弟弟黃家輝更身兼攝影及導演。
黃偉森1981年隨父親入行跟楚原做場記，經兄長介紹在亞視任編導；1991年轉投無綫，現職為高級編導。「我最希望拍反映社會現實，可以引起觀眾共鳴嘅作品。」入行30年拍過劇集不計其數，但依然有理想的黃偉森如是說。
觀眾讚感自豪
黃偉森曾演《天地豪情》的黑社會大佬「清水哥」及《壹號皇庭V》的內地公安許隊長，都令觀眾有深刻印象。「其實因為呢兩部劇都要去外地同入廠拍，為咗方便安排就順便客串做番一個角色，冇想過會令觀眾有印象。」話雖如此，黃偉森對於導而優則演仍感自豪。《天》劇的「清水哥」與黃日華有不少對手戲：「黃日華真係一位好難得嘅演員，不但夠專業，尊重導演，體諒工作人員，而且樂意提點新人。」
而在《壹號皇庭V》的「許隊長」，與歐陽震華（Bobby）及陶大宇最多對手戲，黃偉森面對這兩位實力派演員有極大壓力。「呢兩兄弟一定係平時拍戲要受我氣，所以聯手報復整蠱我，搞到我不斷NG仲要睇佢哋面色。」黃偉森回想當日拍攝情況仍覺好笑：「佢哋收工就走先，只拍我鏡頭時就得番一個人對住空氣做戲。」
《施公2》最滿意
雖然被歐陽震華和陶大宇整蠱，黃偉森對他倆仍讚不絕口：「佢哋真係好有實力，每個角色都掌握得好準確，同佢哋合作係一種享受。」黃偉森與陶大宇在《刑事偵緝檔案》系列中多次合作成了好友，與歐陽震華就有近期作品《施公奇案2》，更視為到目前為止他最滿意的作品。
文：影視組