Jocelyn盡孝道幫父母再婚
有「翻版關之琳」之稱的名模Jocelyn，經常與父母分隔兩地。月前她與家人到拉斯維加斯旅行，為父母搞神秘「婚禮」，讓兩老重溫失落廿六年的浪漫二人世界，認真孝順。
Jocelyn為了工作，離開家鄉夏威夷，難得月前與父母、弟弟及婆婆到美國拉斯維加斯旅行，她盡孝順女責任，為父母製造驚喜。她雀躍地說：「嗰次旅行最正嘅就係我畀咗個大驚喜爸爸媽媽，我靜靜雞訂咗個教堂，叫佢哋着靚啲，帶佢哋去嗰度搞多次婚禮。」
未想生B
問到為何靈機一觸幫父母搞婚禮？她說：「父母係個好榜樣，教識我點同老公Anthony相處。而且佢哋生咗我之後，廿六年冇過二人世界，所以係時候回饋佢哋。」既然到拉斯維加斯，Jocelyn趁機賭一賭運氣。她謂：「我玩老虎機輸咗四百蚊美金，我婆婆就贏咗一萬二千蚊美金。」問到何時生B？她說：「依家投入工作，打算四至五年後。（唔怕意外生B？）唔會啦，我哋有設防。」
文：專案組 攝：吳文聰 服裝及場地：Fly Girl