阿占帶頭野仔齊演無上裝
樂隊野仔前晚於九展舉行演唱會，請來陳慧琳（Kelly）和HotCha任表演嘉賓，阿占更化身鄭伊健唱腔獻唱《一生愛你一個》，十分搞笑。至尾聲，阿占更high爆除衣，連帶其他五位成員也齊齊除衫掟到台下，做光豬六壯士；六子各自講感受時更齊齊淚灑台上。
完騷後，問到阿占可知Kelly的tube-dress險些滑下，他指只看到女助手突然上台，從後幫她抽衫，並笑言：「當時好驚Kelly以為係我幫佢抽衫，因見Kelly『睥』咗我一眼。（是否看到其衫差點滑下？）留意唔到，因為Kelly和我跳辣身舞時，從後攬我，由於冇綵排過，嗰刻我都分心不下。」