莫文蔚笑阿媽霸女唔催婚
莫文蔚（Karen）與陳法拉昨晚出席酒會時大鬥性感，但後者以微型事業線突圍。其後，Karen笑言自己分屬靚女多人追，卻沒時間拍拖，幸好媽咪沒有催婚！
昨日莫文蔚偕同陳法拉與林莉等出席跑馬地馬場舉行的Clinique酒會，莫文蔚穿上連身短裙大騷美腿，但陳法拉亦不甘示弱同樣騷長腿，卻以一招「低胸微型事業線」突圍，成功搶鏡。Karen接受訪問時透露早前推出的國語碟反應好，稍後更到台灣裝扮店員賣碟宣傳，問到前男友馮德倫會否落order支持？她說：「身邊多朋友落order，佢當然實支持我！」一談事業，Karen滔滔不絕，繼續透露將在香港開演唱會，十分期待地說：「我等到頸都長，我已經有五年冇喺香港開喇！」Karen表示工作忙，自己是靚女當然多追求者，可惜沒有時間拍拖，而擇偶條件是專一與錫自己，至於媽咪有否催婚？她說：「冇，佢叫我唔好急，可能佢想霸住個女，其實媽咪都想仔女開心。」
法拉讚男友乾淨
另邊廂的陳法拉表示不愛男人姿整，大讚男友薛世恒乾淨簡單，笑言男友有汗味與有鬚根最好不要錫她。她又表示近期工作忙，沒有時間拍拖，幸好男友沒有投訴：「我忙到連食飯都冇時間，我哋會sms或send相畀大家維繫感情，希望遲啲多時間拍拖。」
林莉恨睇3D港男
此外，林莉表示早前工作壓力大，加上公司人事變動，令皮膚變差，還透露公司會請多些新人，她說：「有男有女。（嗰時話捧你，係咪因分手而捧多啲人？）我冇話一齊，所以冇分手。」她又表示星期六回內地工作，收看不到港男很可惜：「今年加插3D泳裝環節好爆！（大會指明唔畀摸？）我係眼看手勿動！」
文：名人組