周柏豪晒胸露毛解fans肌渴
周柏豪即將推出全新EP《Remembrance》，日前他為新碟拍攝封套，大賣男性誘惑，除罕有赤裸上身晒胸肌「色誘」歌迷，更有貼身激凸造型。
胸肌任摸
向來貪靚的柏豪早在拍攝前三個月已狂操肌肉，不消兩個月柏豪已練成六舊腹肌及強勁臂彎。原來事前柏豪不知道要裸露上半身，以為只要露出肩膀，因此在正式拍攝時大為緊張。專業的他脫去上衣，讓彩繪師在鎖骨、前臂和背部畫上人體彩繪，更在畫彩繪前狂做掌上壓谷胸，現場的女工作人員紛紛讚柏豪大隻，更趁機摸他的胸肌，男助手亦笑言要送他胸圍，令柏豪尷尬面紅！
大膽之最
另外，柏豪又穿上Leggings玩激凸，態度嚴謹的他每完成一個鏡頭，便到電腦前睇效果，期間發現柏豪的露毛照，雖然只是露出兩、三條毛，但唱片公司擔心有不雅成分，原本打算抽起該批超激照，幸得攝影師及形象指導力撐，該批照片才得以曝光，柏豪直言這是他入行以來最大膽的一次。問柏豪有否在褲襠中做手腳營造激凸效果？他笑謂：「唔係咁睇小我呀？（想吸引女歌迷買碟？）梗係唔係啦，變態咩？」他不希望下體成為焦點，直言希望大家留意自己的歌。唱片公司更為柏豪請來相機袋潮牌ZKIN合作推出限量相機帶，隨首批限量版唱片附送，果然萬千寵愛！
文：音樂組