周秀娜剝衫撼日模瀛男噴血

近年不少本地o靚模攻日，繼Angelababy成功登陸後，Chrissie亦出力發功，早前她在日本推出寫真集，又為內衣品牌Ravijour拍攝Catalogue。

在Catalogue中，Chrissie與三位日模以不同造型演繹十多款內衣，包括野性豹紋、性感喱士等，Chrissie狂晒32D逼爆上圍，身材更勝日模。對此，Chrissie謙稱：「唔好咁講，最勁係啲內衣，真係好靚。」她表示與工作人員合作愉快，並自爆其中一位模特兒與她同月同日生日，他們還買了兩個蛋糕為二人慶祝生日，令她十分驚喜。

fans特意學廣東話

Chrissie的攻勢一浪接一浪，由於寫真集的反應理想，首批3,500本已售罄，第二版特別版亦將推出。為答謝fans支持，忙於在港拍戲的Chrissie，日前亦不惜抽幾天空檔赴日為寫真集舉行簽名會冧fans。

簽名會上，大會預先派發100個籌，現場fans表現興奮，與Chrissie又握手又合照，更拿着她的寫真愛不釋手。Chrissie大讚說：「啲fans熱情得嚟好乖，我初時都有啲擔心會冇人嚟。原來好多人去年已經開始支持我，好多人仲專程飛去香港買我嘅寫真。」其中一名fans還以廣東話跟Chrissie示愛，令她十分感動，Chrissie稱：「佢同我講好鍾意我，又話想嚟香港住，日日見到我。佢好犀利，因為我之前同Jessica C.拍戲，佢有幾句廣東話對白，見佢都練得好辛苦。呢個fans係為咗我而學，好難得。」而Chrissie為今次簽名會，亦特別練了幾句日文與fans溝通。

自爆袋幾百萬酬勞

今次日本之旅，除了簽名會外，Chrissie還為由她代言的內衣品牌拍攝廣告，據知這是一個日本全新內衣品牌，問到酬勞時，她笑謂：「好開心，人生第一次有幾百萬嘅酬勞，不過，係日圓，都好，依家日圓匯率咁高。」

文：名人組