「細佬」心痛撐安仔唔係負心男

安仔與舊愛鄭秀文（Sammi）的一段情最轟動，但眾所周知安仔身邊一直有細佬這個紅顏知己，細佬追隨了安仔廿年，是安仔的貼身得力助手，兩人關係早就昇華到像親人般深厚，安仔自爆與Michelle分手後，連串負面新聞接踵而來，傳他為部署與舊愛Sammi復合，不惜趕走女友，被冠以負心漢惡名，慘成罪人的安仔，情緒低落。不忍安仔斯人獨憔悴的細佬，開腔自揭與安仔相戀，並力撐安仔說：「佢真係唔係咁嘅人。」

受情傷想做傻事

當年盛傳安仔與細佬秘密拍拖，但從未獲兩個當事人承認，直至07年安仔傳出與Michelle撻着，細佬傷心欲絕，向安仔黯然辭去廿年的助手工作。細佬昨日接受本報電話訪問，終大方承認05年曾與安仔拍拖兩年，眼見安仔被四方八面的負面報道攻擊，她為安仔感到心痛，她說：「我跟咗佢廿年，只有我最清楚，佢真係唔係咁嘅人。」

處處維護安仔這個舊愛的細佬說：「安仔係好好人，好老闆，做咩都為人着想，佢好為身邊所有人，睇佢對朋友咁好就知，尤其係佢唔識調節自己，唔識得表達，所以想為佢講幾句。」對安仔從未公開兩人情侶關係，她可覺得不公平？細佬說：「唔再講呢啲。」雖然當年被安仔情傷，曾經有一剎想過做傻事，她說：「係好快咁諗過，但依家已經放低晒，（個心仲有冇刺痛？）冇喎，如果我仲嬲佢就唔會講。」

有指Michelle是她與安仔的第三者，細佬沒有正面回應說：「感情嘅嘢冇得好講，個個都可能發生過，只不過佢係藝人，先會畀人講，（你仲嬲唔嬲Michelle？）唔會，我係天主教徒，應該要寬恕人，我想大家都好，衷心希望個個都平安、開心，大家畀啲空間佢哋。」

認收大筆遣散費

細佬跟安仔目前是朋友關係，大家曾SMS聯絡，她說：「我有SMS佢，叫佢有問題打畀我傾吓，佢都有覆thank you，（會跟安仔復合嗎？）冇諗呢啲。」當年她與安仔分手，有指安仔曾付她過百萬遣散費，細佬笑說：「係好大筆數，我做咗咁多年，咪好似一啲公司嘅公積金，（話係分手費？）唔關事，唔好咁講，依家咩年代，邊有啲咁嘅嘢，咁多年都有啲bonus。」跟安仔分手後，細佬都有拍過拖，但迄下已回復單身，她笑說：「我生活得幾開心。」

細佬跟安仔舊愛Sammi也相識多年，她形容兩人關係都OK，她表示當年與安仔分手，Sammi亦有透過其姊慰問她，她說：「我哋冇乜傾偈，但見到面好似好朋友，唔會尷尬。」對安仔盛傳想跟Sammi復合，細佬說：「唔講呢啲，係佢兩個嘅嘢，作為朋友我只想個個都開心。」

「細佬」小檔案

名字：潘恆章

年齡：35歲

職業：92年至07年全職許志安私人助理，09年起兼職港星海外演出助理。

情史：04年與圈外男友分手，05年與許志安拍拖至07年因余德琳介入而分手，並辭去安仔助手一職。

文：音樂組