醉男飛撲 黃芝琪自我保護
有翻版周汶錡之稱的黃芝琪（Grace），在港知名度不算高，但因曾為澳洲旅遊局拍攝廣告，故在澳洲有一定知名度，且獲著名攝影師James Fisher賞識，獲介紹工作。
Grace與澳洲十分有緣，除本身在澳洲土生土長，早前又獲大導演巴茲雷曼睇中而接拍澳洲旅遊局廣告，因而認識James，最近James為一日本時裝品牌擔任攝影師，並推薦Grace任模特兒，而拍攝的地點，咁啱又是澳洲的墨爾本（Melbourne），Grace說：「喺六月時去咗一次Melbourne影平面廣告，雖然當地係冬季，今次係影秋冬衫，有幾日氣溫仲低至零下一度，好凍，但最開心係拍完之後，品牌即刻再搵我，我哋原班人馬喺上月再去布拉格影另一輯廣告照。」
初嘗牛仔腦
拍攝時布拉格日照時間很長，她和另一位日本模特兒，每朝由早上五時開始拍攝，直至晚上十時才結束，令她疲憊不堪。在最後一晚，她更首次品嘗牛仔腦，但感覺不太好。
斟洽拍電影
問Grace此行有否艷遇，她說：「艷遇就冇，但有日我哋影影吓相，有幾個飲醉咗嘅男仔，突然走過嚟攬實我，嗰刻唔知點好，下意識用手保護自己，好彩嗰時我唔係着比堅尼咋，否則畀佢哋嚇死！」現時自由身的她，正與一間公司傾談，揚言希望在電影方面發展，表示有好消息就會公布。
文：名人組