Kison@4anda代隊友澄清緋聞
樂壇男子組合4anda三位成員Kison、Hanson及Manson，日前到銅鑼灣鬧市大派海報，吸引大批歌迷、路人爭相索取，其中更有「竹升妹」要求合照留念。問Kison另一成員Jason為何缺席？工作人員即笑言因Jason和劉欣宜（E Cup Baby）傳緋聞，公司要求Jason在事業和緋聞中二揀一，令他患上抑鬱而病倒，但Kison表示：「Jason只係患腸胃炎，佢又屙又嘔，病到全身都冇力，我今朝先去佢屋企探過佢。」
問Kison其好友Jason是否和E Cup Baby拍拖？他代友澄清：「梗係唔係啦，只係好朋友，我都識E Cup Baby。」問他經常往Jason家作客，可見過E Cup Baby出現？Kison說：「咁又冇見過，其實我同佢感情最好，（你哋先係戀人？）唔係，我哋好正常。」