連詩雅留力長途賽
方大同、周柏豪的師妹連詩雅（Shiga）進軍樂壇，無懼與兩個師兄傳緋聞的Shiga，因靚仔令她欠缺安全感，樂壇是一個長途賽，她視作終身事業。
Shiga細個就認識大同，但加盟同一唱片公司非大同關係，她說很多人以為是大同介紹她入華納，其實不然，她說：「係經理人公司安排去試音、面試，差不多傾妥合約後，大同先知道。」
鍾意男仔得意
對兩個師兄大同、柏豪，Shiga讚不絕口，但她不怕跟師兄傳緋聞，她笑說：「兩個都靚仔，但我唔鍾意靚仔，因為多啲機會吸引異性埋身，拍拖太冇安全感，雖然我冇話特登揀啲樣衰嘅，但對靚仔會有戒心，我鍾意啲男仔得意囉。」
十六歲已經跟老師學唱歌的Shiga，能夠成為歌手她覺得慶幸，因可以將興趣變成工作。她感激公司給她機會，雖然今年有不少競爭對手，但是她不怕比較，因有競爭才有進步，各有不同歌路！對年底樂壇頒獎禮，她看得不重：「唔係得獎就代表贏，得唔到獎就輸，樂壇係一個長途賽，如果攞完新人獎就從此消失，我寧願唔要，我將唱歌事業當係終身職業。」
與大同同月生
此外，Shiga跟大同是同一月份生日，早前唱片公司為他倆慶祝，Shiga更親自設計生日卡給大同，兩人在蛋糕前誠心許願及拍照留念。
文：音樂組
場地：P.O.P.
Hair：Mike Wong@POP
Makeup：Vinci Tsang
Wardrobe：Cheap Monday