Pinky微博追殺「陳啟泰」
藝人潮流愛玩微博，不少人愈玩愈上癮，剛「中毒」的張文慈（Pinky）更不時在微博內關注新知舊雨。日前她發現陳啟泰的「跟蹤」，即二話不說與對方交流，豈料最終發現「唔對路」，對方還向她直言﹕「我唔係陳啟泰，不過微博方面主動聯絡咗我，話要畀番個身份驗證我……一係咁囉，我一不做二不休，攞咗驗證先將個戶口畀番真嘅陳啟泰。」
Pinky對好友身份遭冒認大感震驚，不僅即時在微博內「玩踢爆」，着影迷不要相信「陳啟泰」，還將事件告知陳啟泰，最終二人在友人幫助下成功刪除「陳啟泰」戶籍，而此事更惹起不少「博友」齊心聲討。事後陳啟泰接受電話訪問時不諱言：「成件事由始至終我都唔知道，係Pinky同我嘅影迷話畀我聽啫。我覺得有關方面應該負責，保障番我囉。我暫時都冇時間玩微博，所以刪除戶口係最佳方法，或者第二時我推出新歌先再喺微博同內地樂迷交流。」
