蔣雅文踩高3吋企唔穩
自認男仔頭的蔣雅文（Mandy）為拍攝隱形眼鏡廣告，「破戒」穿高踭鞋單腳企足半日，但她未有打算全面復出，反而想繼續在台灣為時裝品牌打拚，享受自由的半藝人生活。
歌手蔣雅文近年到台灣創立時裝品牌，雖然早前回港拍攝廣告，但無意復出：「4月拍博士倫廣告，依家返嚟香港做後期宣傳，品牌搵我係因為我活出自己，搵到另外嘅目標，個人實在咗，喺台灣開始嘅時候公司規模細，要自己搬貨，依家就有員工喇。」她不排除會客串電影過戲癮，強調滿足感比酬勞重要：「如果有日做番娛樂圈，滿足感重要啲，羨慕獨立歌手痛快咁拚搏，依家唔係為生活做藝人。」
兩年幾冇着
Mandy現在不是全職藝人，可做回自己，穿她喜愛的男裝衫：「以前個形象好女仔，入行前識我嘅人知我平時着男裝Oversize，性格同個樣係唔夾，但當時我信形象設計師嘅意見，着女仔衫同高踭鞋。」為了拍攝廣告，她「破戒」穿高踭鞋：「已經兩年幾冇着，拍攝嗰日要着對3吋有多嘅高踭鞋真係企唔穩，仲要單腳企擺甫士，我惟有捉住支柱，臨影相先放手，淨係擺左手嘅甫士。」
文：專案組 攝：秦健輝 髮型：hermannlee@Chin. G 服裝：2% 場地：OL Cafe & Restaurant