梁嘉琪生日「自殺」帶旺事業
七月壽星女梁嘉琪笑言生日正日除了要為劇集《洪武三十二》開工外，更要拍攝一場自刎戲。雖然整件事已十分「大吉利是」，但更不幸的是，與嘉琪齊齊開工的陳鍵鋒與馬德鐘不但沒有安慰她，還不斷嚇她，令嘉琪哭笑不得：「因為嗰場戲我要攬住一條燒焦晒嘅道具屍嚟瞓，德鐘就係咁笑我第時會有陰影，真係畀佢激死。」問到嘉琪生日拍死人戲有否真的感到大吉利是？她笑謂：「唔係喎，媽咪話發夢見到自己死係重生，我諗拍戲都一樣啫。不過唔知係咪心理作用，我過咗生日之後真係好運咗好多，多咗好多嘢做，好開心好充實！」
嘉琪又指今年收到一份很有心思的生日禮物，令她大為感動：「我一直都好鍾意史力奇，有個fans就因為咁送咗個史力奇錢箱畀我，而且仲要黐滿同色嘅史華洛世奇水晶，即係原本綠色嘅地方黐番綠色水晶，啡色嘅地方又黐番啡色水晶咁咯，好感人。知道呢份禮物用咗佢成個禮拜人工後，我都好肉赤，好多謝佢咁有心。」
