張文慈處理感情要小心
張文慈和呂頌賢在鄧特希監製的新劇《法網群英》中再度合作，張文慈透露二人在劇中雖是情侶，但角色身份特殊，要好好處理對呂頌賢的態度。呂頌賢則坦言，雖未收到尾期酬勞，但能與鄧特希合作，不是金錢所能填補的。
張文慈和呂頌賢在亞視新劇《法網群英》中飾演情侶，二人相識多年又曾經合作，張文慈坦言合作上甚有默契，不成問題。至於合演情侶，會否因熟落而尷尬，她說：「唔會，大家都係專業嘅，好知自己做緊咩。反而因為角色上我係警察，佢又係臥底仲開始變質，我對佢嘅態度喺演繹上有好大轉變，要處理得好好。」監製鄧特希（小圖）個劇本真係好好。對於有演員表示收不到酬勞，她表示自己當時跟亞視合約收片酬，故沒有被拖欠。
講義氣 感值得
呂頌賢表示能與鄧特希合作，感到開心和學到很多東西。他坦言片酬方面雖未收足，但仍有感是值得的，他說：「我只係收咗上期，尾期係未有嘅，佢哋話要等，人哋咁講一定有佢原因，逼佢都無用，我哋呢啲兩肋插刀。我覺得係值得嘅，能夠同鄧特希合作，回報不止於金錢，係無得咁計嘅。可能係塞翁失馬呢。」
文：影視組