狄易達衝過難關等出頭

狄易達沒有雄厚銀彈撐腰下，在所屬的小型唱片公司發展，曾想過是「一碟歌手」，更曾面對周遭白眼，惟有自我安慰將支持與負面說話當成動力，他說：「冇諗過要放棄，經理人成日都同我講『冇壓力只要盡力』，依家嘅唱片市道，投放每分每毫喺歌手身上都係冒險，我可以報答公司嘅就係努力！」

放棄跳槽良機

曾有公司開出優厚條件挖角，達仔卻婉拒了條件甚吸引的「良機」：「係咪包紅先？我年資仲淺，想用時間令自己變成有價值嘅藝術品，畀心機去提升自己，只要堅持一樣可以行到終點。依家網絡世界咁發達，低成本嘅嘢一樣可以令人愛上，睇到當中嘅誠意。」工作之餘，達仔仍徹夜不眠親手剪輯自彈自唱片段放上網絡與歌迷分享。

達仔感激公司在資源不多下仍給予無限量支持，他一一道出新歌的意思：《霹靂干戈》代表着一顆好勝的心，面對困境仍拚命向前，情歌《一天一粒糖》是「最佳冧歌」，最令他有驚喜是好多貨車、的士司機跟他說此歌好聽，令達仔大有成功感：「林夕嘅詞真係好厲害！」而《可多不可少》是他成長的代表，亦要多謝監製的耐性及林夕為他填詞。

狄易達努力提升自己，望他日能變成「藝術品」。

G.E.M.與狄易達傳緋聞，她卻不是他喜愛的類型。

嫌G.E.M.太爆

娛樂圈是非與人氣掛鈎，達仔偏偏與是非絕緣，他入行以來有甚麼最不快事件？他哈哈大笑說：「識唔到個圈內女朋友囉，我鍾意啲笑起嚟腰果眼、好甜嘅女仔，係個遺憾。」唯一的緋聞女友鄧紫棋（G.E.M.）呢？他說：「G.E.M.太搞笑同太可愛、太爆喇，唔係我鍾意嘅類型啦！」

文：音樂組

髮型：Ritz Lam@Hair Corner

鞋：Reebok

場地：糖兄弟