林莉髮力無邊狂吸金

憑寫真集內人體彩繪照「裸」命成功的林莉，愈戰愈勇，接Job接到手軟，吸金力倍增。林莉還憑飄逸多變的秀髮，於月底接了髮型騷，果然「髮」力無邊！
林莉寫真銷量不俗，認真飲得杯落。
林莉寫真銷量不俗，認真飲得杯落。

林莉憑處女寫真《Carrie Me》內的全裸人體彩繪照，成功掀起話題，而其寫真集銷量更突破萬五本，飲得杯落！而林莉亦直言最近工作不斷，本月底她獲邀出席「GOLDWELL COLOR ZOOM'10 HAIR SHOW」，與鄭希怡、汪圓圓及Mr.等行騷，加拿大頂級染髮大師Rodica Hristu亦應邀出席。

林莉髮型變化多端，可塑性甚高。
  • 林莉髮型變化多端，可塑性甚高。

哥哥代理財

談到寫真銷量不俗，林莉滿意地說：「一定要慶功，因為完成心血結晶，大家都放咗好多心機。（會否請假旅遊充電？）冇計劃，年頭放咗啦，嚟緊又好多嘢做。（豬籠入水？）冇計算過，因為哥哥幫我做基金，叫佢幫我打理，佢由細到大灌輸理財觀念，要慳錢同儲錢，務求令筆錢愈滾愈大。（出年再出寫真？）要睇情況，同埋有乜特別造型先。」

恨剪男仔頭

日前林莉到髮型屋以身試「髮」，由於她的秀髮又厚又長，能塑造多變髮型，而髮型師為林莉炮製一個高貴髮型，大方優雅。林莉表示：「留咗好多年長髮，其實今年想試吓剪男仔頭，但最後打消念頭，因為做模特兒，長髮始終多啲變化。（行髮型騷？）好開心，可試唔同造型。」

採訪：專案組　攝影：馬永堅　　場地：P.O.P Hairdressing@中環