詩雅做援交求助社工

詩雅和冼色麗合作的《囡囡》下月上映，兩人戲中因不同原因而踏上援交之路，雖然不用裸露上陣，但亦不乏大膽場面，詩雅說：「我諗今次真係我底線，要玩SM，仲要講粗口講到停唔到，返到屋企嚇親爸爸媽媽。」

兩女互打

冼色麗則表示：「我都有兩場戲好激，一場同個男演員喺街錫，另一場喺酒吧同個男仔動作上都好大膽。」兩人透露戲中冼色麗更會大打詩雅，鏡頭前只是一巴的動作，但卻NG十次，詩雅笑說：「之前拍戲都係我打人，今次真係有報應，不過我都因為太投入，有個鏡頭不自覺打番佢。」

詩雅在新片不乏大膽鏡頭，當中包括與曾國祥咀嘴。

冼色麗難忘大巴打詩雅，令她很難受。

摸錯地方

為了演好今次的角色，詩雅和冼色麗均表示下了不少工夫，因為從沒有接觸援交女孩，詩雅更膽粗粗獨自去社區中心求助，她說：「電影公司有幫我哋喺網上搵援交女仔，但冇得接觸，好想可以面對面傾吓加深了解，落到社區中心，社工話因為私隱條例唔可以介紹畀我，後嚟我先發覺間社區中心係同小朋友補習。」

文：影視組