葉玉卿力撐放生o靚模
已嫁往美國做富婆的前亞姐葉玉卿，隨丈夫到亞洲公幹，昨日經台灣來港，對受盡非議的o靚模，卿卿以「大大師姐」身份力撐她們說：「佢哋仲細……畀條生路行啦！」
坐擁近80億身家的葉玉卿夫婦，昨日與其三名子女坐私人飛機抵港，其夫胡兆明在機場放下妻兒再轉飛越南公幹，而卿卿則與三名子女展開在港的三日購物行，並探望至愛的母親。已有年多兩年沒有返港的卿卿，笑稱想買香港特產，記者介紹近期香港新興特產有o靚模及她們具幻想性的產品時，卿卿笑說：「我都聽過，我都想買番啲！」
大讚Baby周秀娜
o靚模被指敗壞風氣，黃秋生也叫她們有申訴就去「紫藤」（性工作者關注組織）。卿卿認為o靚模靠賣身材上位，都要有才華配合，一如她當年同樣以身材揚名，然後拍戲、唱歌才可達到所謂目標；她覺得Angelababy的靚和周秀娜的高EQ，算是o靚模佼佼者。
寄語知足常樂
卿卿說：「我入行時係十幾廿歲都係無腦，所以大家都唔好要求o靚模有腦，佢哋係o架嘛，其實我都唔覺自己有咩成就，如果係就唔使行三級路，不過，我識得計劃每一個階段，亦都好好彩，賺到一筆夠慳慳哋都可以用埋下半世嘅錢，依家我開心唔係來自財富，而係我識得滿足，所以，我寄語o靚模要認清路向，識得滿足，秋生激進o架，畀條生路人哋行吓啦！」
文：影視組