張家輝為林超賢跳樓都肯

挾着《証人》的餘威，當大家對《綫》片寄望甚高之時，張家輝則本着導演兼好友林超賢（Lam）的四字真言「人面全非」，去揣摩一個全新的角色。

由悍匪變成一個夾在利、義矛盾之中的警員，內心掙扎尤為嚴重，家輝由始至終卻不擔心會抑鬱症復發，且對Lam投以百分百信任。

自言圈中友好不足十人的家輝，表示即使今日Lam叫他由二十樓「一躍而下」，他亦不會多作懷疑：「我同Lam雖然未到心有靈犀，但彼此默契十足，佢叫得我拍跳樓戲，相信都一早做好晒預防措施，預晒鏡頭擺位，件事出嚟會好有震撼力！」

家輝與林超賢惺惺相惜，情同手足。

智叔（右起）、霆鋒和家輝在新片大鬥演技。

鬥戲精彩

與廖啟智鬥戲表現出的歇斯底里、「痛失愛妻」後的嚎啕大哭，這位六料影帝的演技似乎再向爐火純青境界跨進一步，然問到可有信心憑《綫》片再創高峰時，家輝卻笑謂：「都話明『人面全非』，我哋已經放下《証人》嘅包袱，所有嘢順其自然，不過我哋台前幕後用心用命做咗件好切實嘅工作，呢樣係不容置疑！我反而希望Lam能夠攞番個『最佳導演』返嚟，佢喺執導動作劇情片嘅功力，大家有目共睹。」原來Lam早前曾向家輝表示有意「掛靴」警匪片，轉戰「女人戲」，這個決定當然遭好友極力阻止，家輝直言如有「切膚之痛」，兄弟情果然毋庸置疑。

與Lam合作，家輝喜歡出難題，不時着對方試演自己的戲份：「佢最清楚要點嘛，難得佢又睬我，試過有次佢演到聲淚俱下，淨係睇佢個樣都叫人動容。」反觀Lam亦非常享受以第一身角度，去欣賞家輝與智叔等鬥戲：「觀眾去戲院睇，都已經經過剪片同配樂等工序，我喺片場睇住兩個好戲之人即場演繹，忘我到唔記得叫cut機。」

緬懷舊貌

《綫》片內所出現的安置區、廢校及乾貨市場等，令同年出生的家輝及Lam相當緬懷，希望透過光影向這些幾乎絕迹的場景致敬。睇景期間令Lam有踏破鐵鞋之感：「好似想去乾貨市場日光日白咁拍戲，阻住人哋做生意，我咪要逐家逐戶去打招呼囉！」付出心力正等待票房作回報之時，有幸試映場觀眾反應不錯，令二人恍如注下強心針。

文：影視組

攝：馬永堅

化妝：Mae Von

髮型：Keung

場地：Mercury Cafe