秋生斥港男傳統脫衣舞不如

黃秋生昨晚往演藝學院睇騷，對於無綫港男只招待女性入場的傳統，他笑言：「有啲咁有趣嘅事？好似加拿大睇脫衣舞騷，只准女性入場呀？不過人哋都准帶男性朋友入去噃！如果TVB可以從善如流、接受意見就最好，如果唔係就怪怪哋，好似有秘密咁！」

(10)翟威廉攞獎咀欣欣

而昨日香港男士關注組、平等公義協會及愛護家庭家長協會代表，在立法會議員王國興協助下到平機會投訴，被問到無綫已決定改例招待男性觀眾，王國興表示：「無綫有改善固然好，但我哋投訴嘅係已經發生、涉及違反平等嘅事實，所以會照樣投訴。」

十位候選港男昨日出席《第一屆「魅力財俊」獎》，獲獎(10)翟威廉說：「我對有團體投訴冇意見，女嘉賓都唔會摸參賽者敏感部位，冇乜所謂，節目係玩嘅形式。（介意現場男觀眾？）做騷架！你嚟睇我就開心。（有指之前幾屆啲冠軍都提升唔到男士形象？）冇評價。」

(10)翟威廉獲獎，贏得向評判江欣燕送吻機會，他照錫不誤。

十位港男操到fit迎接決賽來臨。

陳倩揚帶姊妹撐場

(3)黃田麒則說：「男人入場睇？好怪，睇電視啦！（怕被摸？）個節目外地會播，香港都唔想畀人睇到男仔摸男仔。（女仔摸就得？）都怪！握手就得！」

前港姐陳倩揚亦呼籲各界抱輕鬆眼光去睇節目，她說：「當party咁睇，之前幾年啲反應都幾好，今年我會帶姊妹撐場。」被問到張舒雅是否情變至謀復出？陳倩揚說：「應該冇喎！我唔知佢復出日期，但佢一直都咁開心、樂觀。」

文：影視組