郭羨妮懶理大宇戀情

蔡瀾及郭羨妮（Sonija）昨日出席「鉅記餅家」旺角分店開幕，身兼代言人的蔡瀾，與第三次為該餅家任剪綵嘉賓的Sonija再度合作。Sonija笑言再三為餅店剪綵，除了酬勞每次遞增外，餅家還送上大量產品，因而被取笑胖了不少，但Sonija聞言後即撒嬌謂︰「我瘦咗，不過肥啲好，呢排喺橫店拍緊古裝劇《宮鎖心玉》，日日天氣成40度，真係好辛苦（依家係咪主攻內地?）希望係，今日專登返嚟剪個綵，之後又要返上去。」
郭羨妮坦言現時單身，並已多年未有拍拖。
郭羨妮坦言現時單身，並已多年未有拍拖。

對於前緋聞男友陶大宇最近有新緋聞，Sonija冷淡地表示︰「唔理咁多，自己感情狀態就係等待ing，冇得心急。」談到楊千嬅早前於微博力撐「剩女」，Sonija指現時雖然單身，但卻活得快樂︰「無牽無掛嘛，不過第時結婚一定同大家講，拍拖就唔一定，依家真係冇，好多年都冇拍拖啦﹗」

郭羨妮（左二起）及蔡瀾出席「鉅記餅家」旺角分店開幕。
  • 郭羨妮（左二起）及蔡瀾出席「鉅記餅家」旺角分店開幕。